დამატებითი ინფორმაცია გამყიდველისაგან: თბილისი ჰილსი წარმოადგენს ყველაზე მსხვილ, ახალი კონცეფციის უძრავი ქონების პროექტს თბილისში, რომელიც ამკვიდრებს გოლფ რეზორტზე ცხოვრების უნიკალურ სტანდარტს. პროექტი "თბილისი ჰილსი გოლფი & რეზიდენცია" მდებარეობს კრწანისის თავზე, თბილისის სამხრეთ-აღმოსავლეთ ნაწილში და გაშლილია 331 ჰექტარზე ქალაქის ცენტრიდან მხოლოდ 15 წუთის სამანქანო გზაზე. აქ მისვლა 2 გზით შეიძლება - კრწანისიდან (ბრიტანეთის საელჩოდან 6 წუთი) ან რუსთავის გზატკეცილიდან (ორთაჭალიდან ბაგრატიონის მოედნიდან 12 წუთი). 331 ჰექტრიდან 150 ჰექტარზე მეტ ტერიტორიაზე უკვე გაკეთებულია საქართველოში ერთადერთი ოლიმპიური სტანდანდარტის 18 ფოსოიანი გოლფ კურსი. ხელსაყრელი კლიმატის, საინტერესო ლანდშაფტის, საოცარი ხედების და საუკეთესო მენეჯმენტის დამსახურებით თბილისი ჰილსი 2019 წელს დასახელდა ევროპის საუკეთესო 100 გოლფ კურსს შორის როგორც 34-ე ადგილის პრიზიორი. გოლფ კლუბს უკვე 100-ზე მეტი წევრი ჰყავს და მისი პოპულარობა სულ უფრო და უფრო მატულობს, კლუბის გასტრონომიული რესტორანი კი არა მხოლოდ წევრების, არამედ ადგილობრივი და უცხოელი ვიზიტორებისთვისაც საყვარელი ადგილია. უძრავი ქონება, რასაც თბილისი ჰილსში ექსკლუზიურად პირდაპირ მესაკუთრისგან გთავაზობთ, წარმოადგენს საუკეთესო მდებარეობისა და ხედების 2290 კვ.მ. არასასოფლო სტატუსის მიწის ნაკვეთს. ნაკვეთთან მიყვანილია ყველა კომუნიკაცია: გაზი, ელექტროენერგია, წყალი, კანალიზაცია, ინტერნეტი. ნაკვეთის ყიდვისას ორი ძირითადი პუნქტი არის გასათვალისწინებელი: 1 - სახლის პროექტი უნდა შეთანხმდეს კომპანიასთან და 2 - ყიდვიდან 14 თვის ვადაში უნდა ააშენოთ შენობა „შავი კარკასის“ მდგომარეობით, გარედან მოპირკეთებული.