Дополнительная информация: შეთავაზებული აპარტამენტი მოიცავს მთაწმინდაზე ყველაზე გამორჩეული ადგილმდებარეობისა და ხედების ახალაშენებული სახლის ბოლო ორ სართულს. საცხოვრებელი სახლი მდებარეობს პოლიკარპე კაკაბაძის ქუჩაზე, მამა დავითის ეკლესიის ასახვევთან. სახლი აშენებულია 2021 წელს ძველქართული და თანამედროვე არქიტექტურული სტილის შერწყმით - ფირუზისფერი ავნებითა და მინის მოაჯირებით, ფასადი ხის პანელებითა და ქვით არის მოპირკეთებული. 6 სართულიანი ერთსადარბაზოიანი სახლის პირველ სართულზე განთავსებულია კომერციული ფართები, ხოლო დანარჩენ სართულზე საცხოვრებელი ბინებია. სახლი დასრულებული და უკვე შესახლებულია. მიმდინარეობს გარე პერიმეტრისა და ეზოს მოპირკეთების სამუშაოები. სადარბაზო მოპირკეთებულია, ლიფტი - მოქმედი და ჩაბარებულია. ბინა არის 305,60 კვ.მ. გაშილი დიდი სივრცე საუცხოო ხედებით თბილისის ულამაზეს ნაწილზე და მამადავითზე. ფართი თეთრი კარკასის კონდიციაშია და შესაბამისად, შესაძლებელია დაგეგმარდეს სურვილისამებრ. არსებული გეგმარებით ბინა მოიცავს დიდ საოერთო ოთახს, რომელიც ნაწილობრივ გატიხრულია სასტუმრო და სასადილო ზონებად. სასადილო უერთდება სამზარეულოს და წინ აქვს დიდი ტერასა, რომელიც გადის კაკაბაძის ქუჩაზე და უყურებს ძველ თბილისს. ბინა ასევე მოიცავს 4 საძინებელს, საიდანაც 1 მასტერბედრუმია საკუთარი საგარდერობე ოთახითა და აბაზანით. ასევე, დაგეგმარებულია საძინებლების აბაზანა და სტუმრის სველი წერტილი. ბინიდან შიდა კიბით ავდივართ ზედა სართულზე - 638,65 კვ.მ-ის ტერასაზე. ტერასა არის ნაწილობრივ გადახურული გაშლილი სივრცე, საიდანაც იშლება ხედები 360 გრადუსით. სახურავის ტერასაზე დამატებითი ნებართვის საფუძველზე შესაძლებელია საცხოვრებელი ფართის მოწყობა. პროექტის მიხედვით, გათვალისწინებულია190-კვმ-დე საცხოვრებელი ფართის მშენებლობა. ეს დამატებითი პერსპექტივაა, რაც ბინას მატებს ღირებულებას. ასეთ შემთხვევაში ბინის ფართი ორივე სართულზე იქნება 840 კვმ, საიდანაც საცხოვრებელი ფართი შეადგენს 478 კვ-ს, ხოლო ტერასა - 362 კვმ-ს. სივრცის გეგმარება იძლევა მყიდველის ხედვის მიხედვით სხვადასხვა დანიშნულებით გამოყენების შესაძლებლობას, როგორც ერთ დიდ გამორჩეულ საცხოვრებელ აპარტამენტად, ასევე რამდენიმე ბინად დაყოფის საშუალებას. არსებობს 9 ნომრიანი აპარტ ჰოტელის პროექტიც. ამრიგად, უძრავი ქონება საუკეთესო შეთავაზებაა როგორც ექსკლუზიური საცხოვრებელი, ასევე საინვესტიციო შესაძლებლობა. ბინას აქვს 2 ავტომობილის ადგილი დახურულ საპარკინგე სივრცეში, რომლის შეძენაც დამატებით არის შესაძლებელი.